تحميل كتب pdf مجانا

تحميل كتاب دكتور طوارئ pdf يحيي قدري

الحياة وكل ما بها من مفارقات وقصص واقعية مؤثرة نعايشها أو نسمعها أو نحكيها .. كل ذلك يأتي في لحظات تختصر عمر الانسان .. لحظات تعبر عن كل المشاعر الإنسانية في وقت حرج بين الأمل والحب والرجاء وما تخفيه النفوس وما يخفيه القدر
“يحيى قدري” الكاتب والطبيب المصري يروي لنا معايشات يومية لواقع حالات الطوارئ في المستشفى ، قصص واقعية ذات دراما إنسانية خالصة، عن مشاهدات لم ينسها ومعايشات أراد ان يشاركها مع الآخرين … الطوارئ مسرح العبث.

 إنت هترجع البيت إمتى بقى يا يحيى.
– مش عارف يا امّا، اعتبريني مسافر الخليج.
– بس اللي في الخليج دول بيجيبوا فلوس.
– اجرحي يا امّا، والنعمة آخر مرة دخلت عليكي باكياس فاكهة وكان فيهم كريز وبرقوق ياظالمة.
– ينفع حد يعيش في المستشفيات؟
– آه الميه والكهربا ما بيقطعوش هناك، وإنتي عارفاني نضيف وباحب الحُمى.
– يا كداب، بذمة أمك، استحميت آخر مرة إمتى؟
– الميه قطعت في زايد فاشتغلت في دار الفؤاد عندهم ميه.
– أنا عاوزاك تخش عليا بعروسة.
– ودي بكام دي يا ستي، فلوسها كام يعني؟
– يا ابني باتكلم جد.
– الرأسمالية فسخت الواقع يا حاجة.
– الله يخرب بيت السياسة والثورة اللي خاربين دماغك. عيش زي الناس.
– العيش سياسة، الطب سياسة، الكهربا سياسة.
الجواز والشغل وأبويا اللي في الخليج، حضانة ابن بنتك سياسة.
– يووه، باتكلم جد عاوزة أشوف لك عيال وأخوالك فالقينّي، وشكلك قدام الناس.
– أخوالي باحبهم جداً، بس واحد مش راضي يزرع كبد عشان عبعاطي كفتة هيعالجه بالثقب الأسود، والتاني لو جه مصر هيتقبض عليه واللي هنا مش شايفين قدامهم م المصاريف، برضه سياسة.
– اقعد إنت هزر في كل حاجة والعمر بيجري بيك.
– المسخرة هي الحل.
– فلقتني ومشيّلني همك.
– عاوزة عيال تلعبي بيهم، أجيب لك عيال، سهلة.
– هتقلش تاني، العيال بتيجي بالجواز.
– التلقيح الصناعي ما سابش حاجة.
– هتهزر تاني.
– إنتي عارفة البامبرز بكام واللبن البودرة والأوجمنتين، مرتبي كله هايبقى بيبّي عيال يا ولية.
– يا ابني إنت كنت مؤدب وهادي وما بيطلعش منك العيبة ومن أوائل المدرسة، مستقبلك بقى مالوش ملامح ولسانك متبري منك وناوي تتحبس.
– هاشتري أسهم في سويس تون.
– وبتغم على روحك بالطوارئ والميتين والدم وعامل لي فيها مجدي زويل، هيجيلك عدوى.
– أهو إنتي اللي بتقلشي أهو، اغلطي في زويل، الطوارئ لآااااا…
– افتح لك عيادة وروّح العصر زي الناس.
– وأبقى دكتور تخين وأقرع، مانفَعش في الحوار ده.
– طب اتجوز حد يراعيك ويغسل لك هدومك.
– فكرت يوما في الغسيل فَحَطّ حسونة، مش هتعرفيها دي، بتاعة محمود درويش.
– تاني بتتريق، إنت ناقص دروشة.
– كمّلي هبة رِجل الغراب يا أمّا.

الكتاب له حقوق نشر

حقوق النشر محفوظة

اترك تعليقا

This website uses cookies to improve your experience. We'll assume you're ok with this, but you can opt-out if you wish. Accept Read More