تحميل رواية جعلتنى ملتزما pdf إيناس هيكل

تحكي الكاتبة قصة شاب لم يكن ملتزم دينيا وعندنا أحب فتاة غيرته 180 درجة وجعلتة ملتزم دينيا وتغيرت حياتة كليا

همس ل زوجة عمها .
ممكن انزل مع ياسمين المقرءه بعد العصر ومش هتأخر ؟
فتحيه: مقرءة ايه تصدقي انتي واحده فاضيه بدل ما تقعدي تساعديني ف شغل البيت ،،
وانتي عارفه ان ريهام ورنا بيشتغلوا عشان يكملوا مصاريفك،،
ال لسه هتتفتح علينا ب الكليه ال هتدخليها دي
وانتي مش ف دماغك، وتقولي مقرءه!!!
طيب انزلي دوري ع شغل يكون مع
كليتك ع الاقل تشيلي الحمل من ع عمك شويه ناس بايعه دمها ..
وتركتها وذهبت الي الداخل
نظرت همس للارض وكأن الوقت قد توقف،
تعلم ان زوجة عمها لم تحبها يوما وتعلم انها تكره وجودها !
ولكن ل أول مره تسمع مثل هذا الكلام،
ذهبت همس الي غرفتها وهي تبكي
ف لم تعد تتحمل كل هذا العبأ،،،
قامت وتوضأت وصلت ركعتين
واخذت تدعي
واخذت تدعي (اللهم اني اشكو اليك ضعف قوتي وقلة حيلتي وهواني ع الناس انت رب المستضعفين وانت ربي الي من تكلني الي بعيدا يتجهمني ام الي قريب فوضته امري ان لم يكن بك غضبا علي ف لا ابالي ولكن عافيتك خيرا لي)
واتصلت بصديقتها ياسمين واعتذرت لها
وعندما جاء عمها استأذنته ب التحدث معه..
همس :عمي انا قررت اني اشتغل زي ريهام ورنا
ابراهيم :مين ال طلب منك انك تشتغلي !
همس:كفايه اني قاعده من غير شغل وانا عارفه ان معاش بابا قليل جدا لازم اعتمد ع نفسي ،
ابراهيم:انا سايب رنا وريهام يشتغلوا عشان هما عاوزين كده ثم هما مخلصين دبلوم مش هيبقي وراهم كليه كبيره زيك،
همس:خلاص ياعمو لو حضرتك مصمم اني مشتغلش
حتة الارض ال ماما الله يرحمها سيبهالي نبيعها ونصرف منها ع دراستي
ابراهيم :ليه يابنتي بتقولي كده ، انا كنت سايبها لجهازك
هو ف حد زعلك؟!
همس:ابدا ياعمو والله بس نسيب موضوع الجهاز ده بعدين ونشوف دراستي الاول
عشان خاطري ياعمو ريحيني !!!
ابراهيم: حاضر يابنتي هشوف سمسار وهبيعها
وهحطهالك ف البنك واصرفي منها لدراستك…
#بعد_مرور_15_يوم
الجميع جالس ع سفرة الطعام
ابراهيم : الارض اتباعت زي ماانتي عاوزه ياهمس،
و30الف ان شاء الله يكملوا السبع سنين ،،
فتحيه :طيب ياحج ماتاخد منها 10،000 نجدد بيهم الشقه ال هتقع فوقنا دي
واهو يبقي معاها 20،000تصرف منهم لحد ماتسددلها ،،
وحتي لو جه عريس للبنات تبقي الشقه حلوه ^-^
همس:فكره ياعمو خد المبلغ ولسه الايام قدمنا
ابراهيم :ينظر لزوجته بغضب
وبصوت عالي
يحرم عليا اي قرش من الفلوس دي !
الفلوس دي بتاعت دراسة همس وبس، ومستحيل حد هيقرب منها ،،
وهحطها ف البنك ب أسمها
ومش عاوز اي حد يفاتحني ف الموضوع ده تاني وترك الطعام بغضب وذهب….
رنا دخلت ع همس الغرفه وهو تضع الملحفه التي ستذهب بها غدا الي الجامعه ..
رنا بتهكم:انا مش عارفه انتي ايه ال بتلبسيه ده
بتعرفي تمشي بيها!
همس بابتسامه:عمري مايكون حجابي وستري ال ربنا امرني بيه يكون بيدايقني كفايه اني ببقي محافظه ع نفسي، وبمشي الكل بيحترمني ومحدش بيبص عليا ،
ان شاء الله ربنا يقدرني والبس النقاب
عشان يبقي حجابي اكتمل ،،
رنا بسخريه: ههههههههه الشيخه همس ايه الجمال ده!!
ده انتي بتخطبي احسن من الشيخ ال بيقول خطبة الجمعه ..
همس : ربنا يهديكي ويشرح قلبك ينور الايمان ياحببتي !
وهنا تدخل ريهام /
همس :ف سرها
كده بقي كملت

التحميل من هنا